今晚去左 64晚會, 第一次去.

主要原因是有朋友去, 老實說, 我一個人就緊係唔會去啦, 咁呢個變相成了一個好主要既原因.

<<Big O>>係講述一個冇左記憶既城市, Big O 當然對於無忘 64 既事宜緊係要參與下啦. 點可以樣回憶失去呢? 其實唔關事的, <<Big O>>入面冇 64 成份.

我d 朋友就是 1989 年既年青人, 64 果陣佢地應該未出世, 我就 1988 年 12 月出世, 所以 64 果陣我出左世. 我媽同我講, 當年我手抱咁大, 佢就係抱住我. 我媽話見到我地祖國咁樣, 日後我就要響這個土地面對這些事情, 為左我o念過要移民的.

媽, 不用怕了. 雖則我不是 捷古華拉 般的革命英雄. 但你的兒子已經長大了, 舉過燭光, 到了面對那件事件的年紀了. 好在, 中國不是進入混帳的情況.

其實今日是我公司請食自助餐, 響 奧運 果便既匯豐中心度搞. 六點半開波, 我食到七點便要走. 其實有得揀 12 號的, 可是那天有朋友從海外番黎, 咁點解咁趕都要去食自助餐. 因為應該要去見識下麻.

走果陣有位應該響 奧運 做野既同事, 應該說員工吧, 都唔同部門唔同地方又唔識. 佢見我咁走就便奇怪問下我, 得知我去參加 64晚會. 雖然佢唔去, 不過佢都同我講下有關 64 既事, 話當事佢已經出左世, 還記起當時 d 片段, 坦克車輾人, 從第一身鏡頭看到記者倒下來......  希望大家不要忘記發生過這件事.

我的朋友當時未出世, 我當時還是個手抱嬰. 當然可以對我們講大話, 因為我們就是不知道. 但對於上一輩上兩輩呢? 跟本就是一件有目共賭的事, 甚麼可以瞞得過, 怎麼可以講個這麼樣的大話. 人有時都幾麻煩, 甚麼也可以做得出, 例如一個低質素的大話.