| | 又好耐冇打日記了, 如果前排有上一上我日記, 會見到今日呢篇本身打左"hold", 即是應該今日有日記想打, 不過我又懶未打, 所以 hold 住呢日. 我唔知係我唔識定還是 Xanga 冇呢個功能, 就是錯過左果日打日記就唔可以打番果一日, 所以我 hold 住呢日. ---------------------------------------------------------------------- 今集內容可能會令人情緒不安, 敬請留意. 話說今日, 我婆婆忽然間話要幫手搬雪櫃, 所以我便入左元朗. 我有兩個表弟, 同兩個表妹響度. 其中有我成日題既 B哥(響呢個日記唔肯定有冇題過), 同佢呀妹, 即是扭計蛇果個. B哥小五, 佢呀妹同另一個表弟高幼, 再另一個表妹小四. 冇乜特別, 我只想比 d 恐怖野比大家睇:
 圖入面有三個人, 分別係我, 同讀幼高既表弟表妹. 留意圖中既紅色人, 我叫佢做紅色一號. 紅色一號本身坐左響我大脾, 跟住捉住我對手話玩拱橋. 就好似圖入面果個 暴走藍色二號 咁. 睇落去呢個動作好簡單, 不過你就會好驚, 你會捉到佢地好實, 你會驚佢地頭落地. 紅色玩完, 就到藍色暴走二號坐去我大脾就即刻話要玩, 而紅色一號就走去我後面砸住我條脛. 一個向前面做拱橋, 一個響後面砸脛. 兩種拉力, 一前一後. 面對住兩個高幼既小朋友同埋呼吸困難. 一個成年男人可以做的是甚麼? 就只可以:"小心呀!! 唔好整到自己呀!!!!" "哈哈哈哈哈哈" 同一張疏化, 兩個年紀既人, 兩種的態度. 面對力量, 力量有解決唔到的時候. 可能是報應, 另我回想起預科既時候, 我常濫用力量去搞鄰班的男生. 那時候, 我才應該是砸人地脛的紅色一號. 我想話, 今日既日記絕無誇張成份. 請觀看另一張圖片: 
是否覺得更加熱鬧, 這個是沒有憐憫的世界. 今次多左 綠色制裁者三號. 佢地今次打唔同既位. 因為可能是報應, 所以砸脛呢個動作唔可以少. 今次 紅色一號 走左去我大脾, 右腳企響我左脾, 左腳企響我右脾..... 竟然是響度跳舞!!!!!!!!!!!! 藍色暴走 就扯我頭髮. 大家留意下 絕望黑色, 絕望黑色 即是我. 身上面有個綠色圓形既物體. 我冇興趣叫大家估係甚麼了, 開估啦:
 係一個類似這個型號的衫架定夾. d 夾夾左響我件衫度. 都唔知邊個發明 d 咁既野, 真係累人. 面對住三個邪惡既小朋友同埋呼吸困難. 一個成年男人可以做的是甚麼? 就只可以:"呀!!!!!!! 呀呀!!!!!!!!" "哈哈哈哈哈哈" ................................. 響呢個時間, 我記得呀 邦 打比我. 不過佢地都冇給預我休息的時間. ------------------------------------------------------------------------------- 大家應該記得有個咁既廣告, 不過我搵唔到香港果個版本.
之後就播緊呢個廣告, 我便開始用我 d 煩功反擊.
係咁唱 Gasby 果首歌
"LU~LULU~~~~ 茄~~士~便~ 茄士~邊~~~ 茄士必~~~~~~~" 不過原來 舊男 太愚蠢了, 既然大家同是流住代表欺凌者既血, 你會敵得過三個嗎?!! 一開始 制裁者三號 直接貼膠紙響我個咀度. 當然啦, 普通膠紙既力量有限. 我當然能夠照唱啦. 但後尾佢拎一種貼字, 貼完之後佢同我講: "我希望你自律自重啦. " 原來張貼紙寫住"自律自重". orz ---------------------------------------------------------------- H1N1 響香港示虐, 大家要小心身體. H1N1 亦都使小學生停課, 大家都要小心呢排悶到發慌既表弟堂妹, 因住佢地將所有的鬱悶發洩響你身上 |
