| |  我相信大家都會扭過扭蛋吧, 假若真的未. 都唔會唔知係咩野黎掛. 男仔扭下機械人, 女生可能扭下 d 卡通人物如玉桂狗那些噁心東西. 我曾經聽過一個男人這樣形容玉桂狗:"唔知咩黎嫁, 白色既, 對耳仔好撚長....." 就是這樣子. 扭呢 d 公仔也許是童年回憶. 好簡單, 以前細個扭媽媽買野, 一盒貴既玩具唔敢扭, 幾蚊一個扭蛋可以一戰. 以前只會有機械人卡通公仔小玩意或者彈彈波. 而家都有彈彈波, 不過是彈彈波少年, 一個個性感的彈彈巨乳少女公仔, 係比鹹濕青年如我去扭的. 最近也見到有假狗漢堡包, 疑似石膏像...... 以前好鐘意扭既過程, 想扭中一隻自己最鐘意既, 又或者再扭不希望有重覆. 不過呢, 而家好多地方都有得買一套或者單隻買. 雖然知度抽既樂趣, 不過知有單隻買就自然覺得單隻買或者買一套先化算. 講番今日, 今日我響屯門吉之島同太太吃完飯行過玩具部的扭蛋機見到以下呢套扭蛋:
呢套扭蛋做得幾仔細, 一如以往, 實有 d 鐘意實有 d 唔鐘意. 今次我除左右下角果隻綠色男色東西其餘三隻我都 ok. 不過我最想要右上果隻全紅色的. 今日我去扭, 點解唔去買去扭. 一來我太太響度, 咁抽下個癮就大 d. 二來我想破解扭蛋機. 咩叫破解扭蛋機, 就只預知睇下佢下一個會係出邊一隻.  圖一
而家 d 扭蛋機通常都係咁既樣的, 我發現左一樣野, 原來響我上圖圈住的這個位置, 會僅僅望到小小. 應該咁講, 我先解釋一下扭蛋機個構造:  圖二
這個是扭蛋機, 其實響 d 扭蛋個底部會有個輪, 個輪呢就有唔記得五個定六個的洞, 咁每個洞就剛好係個扭蛋咁大. 即是說, 當部機不動的時候, 每個洞入面都會裝住一個扭蛋. 咁當你入左錢, 扭個掣果陣個輪便會轉, 轉既角度剛好使扭蛋掉下, 看下圖:  圖三
紅圈的是出口, 當你入了錢, 轉到個掣的時候. A會經過紅色去到B, 即是扭蛋會響A同紅色完全重疊掉下去. B 就自然去到 C 不過 B 的扭蛋依舊.(B-->C) 應該我沒有理解錯誤吧. 好, 講番正題, 我響圖一果度, 發現可以從扭蛋機的廣告紙下便見到一條小小的縫. 就見到個輪底露左少少扭蛋. 所以我便伸個頭伸到好埋去望, 望唔到....... "少少黃色, 白色.... " 我太太竟然見到!!!! 我o念我對眼真係好有問題!!!!!!!
我再望, 舊男 給我集中點.......... 唔得, 只見到個扭蛋入面個包裝膠袋........ 好暗, 又有反光........ 我用隻手擋住左邊既燈光從右邊望, 反光少多了....... 唔得......... 得...... 黃色? 黃色!!!!! 再給我集中點........... 黃色, 白色!!!!! 我望到了!!!!!!!!!!!!!!
可能用對問題, 出產商不能用真係白色既白色. 即是說, 應該是左上角果部主角機.!!!! 不過我還是想要右上角全紅色果部, 不過我記得行過 d 有間扭蛋店, 所以過去看看. !!!!!! 真糟糕!!!! 果度得好少光線, 暗得很暗得狠!!!!! 完全睇唔到!!!!!! "睇唔睇到呀?"
"我都睇唔到呀." 不可以放棄的, 好彩我太太有電筒仔. 嘿嘿嘿!!!!!!! 可能係冇反光, 我好輕易便看到了...... 綠色!!!!! 綠色? 所以一定是右下角的那隻醜八怪, 冇野了..... 跟住番番去吉之島, 打算扭, 不過其實我想要右上角果隻全紅色多 d. o念過下次去 d 店單買一隻算, 不過我想試下呢招咁樣睇係未真係完全 ok, 所以我想一試. 如果試驗係 ok 既話咁就可以響 d 細佬妹面前威一次. 可以預知下一個係咩, 不過唔可以改變次序. 唯今之計只有等, 其實我想引人抽, 因為白色果部係主角機, 我估好多人會好想要. 等左好耐都冇人過黎, 只有個中年男人趁老婆睇緊其他野走過黎指住果部扭蛋機話好靚, 我唯有周圍行下, 行行下又番去再(目及)下有冇人扭過..... 不過冇..... 我開始悶, 便用同一個方法睇下其他扭蛋機, 會唔會有自己鐘意的. 發現有 d 扭蛋個角度咁岩比入面 d 野阻住左完全睇唔到.. 靈機一觸, 我響唔入錢既程況下拎下個掣, 雖然唔會扭到(緊係唔會扭到啦), 不過就使個輪會有轉左少少!!!! 你試下差一分!!!!!! 咁你就可能英文由唔合格變合格!!!! 如果你隻手指同你夢中情人的下巴差 1mm. 你就會覺得果一分同果1mm係足以爆發第三次世界大戰呀!!!!! 我估計果度係移動左 1度多少少. 個扭蛋個角度就唔同左了!!!! 原來這個是幪面超人呀!!!!! 我響度不斷搞 d 機同伸到個頭好貼咁睇入面. 我忽然o念, 身邊既人同護衛會覺得我響度做甚麼. 我還是周圍行下吧, 等有小朋友走過我先講d. "下一隻是白色呀!!!!!" 等說話去引佢為我抽走隻白色. 我不斷走黎走去又睇下去呢間去果間又講下點樣引 d 小朋友抽走隻白色. 真係激死太太, 都比過佢笑說我煩. 點知響我睇下其他野之際, 我竟然見到先前果個中年男人學我響度(目及)入面呀!!!!!! 應該又是趁太太睇緊其他野溜過來吧, 可能佢先前見到我響度(目及), 所以佢又學我吧. 我當然爭取機會引佢抽白色啦!!!!!! 點知我行埋去佢便走開了, 接著佢太太咁岩番黎, 少少氣沖沖講了一句: "好煩呀. " 我太太當然響度笑. "好喇, 我唔等喇, 我扭了. " 本身我打算再等多陣的, 不過我覺得那個中年男人的太太鬧佢老公的那一句, 其實等於鬧埋我. 我們便是做著相同的事. 因為有可能是連續兩隻都是白色, 所以我要確保呢個(目及)野方法是絕對可行的, 我便叫我太太扭, 我就看著扭蛋跌落去的那一刻..... RX-78-2 跌落去啦!!!! (部白色機叫做 RX-78-2) 啪. 我望住上面的 RX-78-2 好像走左前去, 不過唔覺佢有向下跌. 但我就感覺得到下面好像有隻蛋蛋跌左出黎. "好似唔對路喎." 這一刻忽然好緊張, 就像以前細個果陣, 臨透過扭蛋全白色透明部份睇下抽中邊隻果下剌激. 原來是左下角的那部膊頭分別長出陽具的機械人.  :"點解會咁既?"
我o念左陣, 大家可以睇番圖二, 圖中扭一次應該是 1 洞的扭蛋. 我應該是望到白色機是 2洞, 我誤以為果個是 1 洞位......... 所以, 我這個方法是失敗的......... 但反過來說? 再扭未應該係白色機羅, 扭一次 就1洞, 兩次 應該是 2 洞. 我o念過試的, 不過一次是 15 蚊, 仲要唔係全紅的那隻, 所以還是等一次有機會先再試吧. 不過我同我太太整晚玩扭蛋機玩得好開心.  :"整晚?"
是呢, 我估我地都玩下等下都玩左成個鐘 |
